منتدى شباب جامعة إب
نـثر مـرورك في الــدرب زهـراً وريحانـا . . . وفاح عبــق اســــمك بوجـودك الفتــانـــا

فإن نطقت بخيـر فهو لشخصك إحسانا . . . وإن نطقت بشر فهو على شخصك نكرانا

وإن بقيت بين إخوانك فنحـن لك أعوانـا . . . وإن غادرت فنحن لك ذاكرين فلا تنسـانــا





 
الرئيسيةمركز رفع الصورالتسجيلدخولتسجيل دخول الاعضاء
منتدى شباب جامعة إب منتدى ,علمي ,ثقافي ,ادبي ,ترفيهي, يضم جميع اقسام كليات الجامعة وكذا يوفر الكتب والمراجع والدراسات والابحاث التي يحتاجها الطالب في دراسته وابحاثه وكذا يفتح ابواب النقاش وتبادل المعلومات والمعارف بين الطلاب. كما اننا نولي ارائكم واقتراحاتكم اهتمامنا المتواصل . يمكنكم ارسال اقتراحاتكم الى ادارة المنتدى او كتابتها في قسم الاقتراحات والشكاوى

شاطر | 
 

 Prison Break :: new season ,, Exclusive

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
jasmen
عضو فضي
عضو فضي
avatar

كيف تعرفت علينا : صدفة
الكــلــيــة : .............................
القسم ( التخصص ) : ...........................
السنة الدراسية (المستوى الدراسي) : ..................
الجنس : انثى
عدد الرسائل : 3898
العمر : 31
الدوله : لا يعلمه الا الله
العمل/الترفيه : ..
المزاج : مرتاحة
نقاط : 4867
تاريخ التسجيل : 07/04/2011
: :قائمة الأوسمة : :


بطاقة الشخصية
التقييم: 10

مُساهمةموضوع: Prison Break :: new season ,, Exclusive    السبت نوفمبر 26, 2011 7:06 am

Prison Break :: new season ,, Exclusive



مسلسل مشهور .. قصته بتدور عن أحداث واحد عايز يحرر أخوه من السجن علشان محكوم عليه بالإعدام..


لكن احنا مسلسلنا حاجة تانية ..


احداث مسلسلنا بتدور في مكان بعييييييييييييييييد.. في سجن كله ضلمة ووحشة وهمّ واكتئاب وقول في أوصافه زي ما تقول..

كل واحد فينا هو بطل مسلسلنا..ايوه ؛ مش اى ممثل منن بتوع السنيما ...
..أنا وانت وانتي أبطال المسلسل ده..

مسلسلنا مش موسم واحد ولا اتنين ولا عشرة ..مسلسلنا عدد حلقاته مفتوح لحد ما كل واحد يحدد نهايته بإيده .. أو تتحدد غصب عنه ..!!

مسلسلنا البطل فيه مش محكوم بالاعدام بالكرسي الكهربائي وعايز يهرب! ده كانت تبقى حاجة بسيطة جدااااااا..

مسلسلنا البطل فيه محكوم عليه بجنهم .. فهل هيقدر يهرب ؟؟؟


كل واحد فينا أسير وسجين في سجن المعصية..
وكل يوم بتقضيه في المعصية..المعصية بتزود القيود والقضبان حواليك اكتر واكتر طول ما انت قاعد ومش بتحاول تتغلب عليها او تتخلص منها..!


نفس التشبيه اللي الرسول صلى الله عليه وسلم شبهه وقال:
إن مثل الذي يعمل السيئات ثم يعمل الحسنات: كمثل رجل كانت عليه درعٌ ضيَّقةٌ قد خنقته
ثم عمل حسنة فانفكت حلقة، ثم عمل حسنةً أخرى فانفكت أخرى، حتى تخرج إلى الأرض



سجون المعاصي أنواعها كتير..


فيه ناس مسجونين في "سجن الشهوة" ..
وده سجن قضبانه شديدة ..واقفاله كتيرة ..ومحدش بيخرج منه بسهولة ابدا..
بس فيه ناس خرجت..فيه ناس كسرت كل الاقفال والقضبان وخرجت..
فيه ناس قالت لأ وقاومت شهوتها وانتصرت..ناس عرفت ان الشهوة لذة دقايق وبتنتهي ..ناس عرفت ان اللذة الدايمة في طاعة ربنا .. فكان لازم تهرب من سجنها..

وفينا ناس مسجونين في سجن "الحب والغرام" ..
وده سجن أسواره عالية..وفيه تعذيب للقلوب كل دقيقة..القلوب اللي اختارت حبيب وفضلته على ربنا..فكان لازم تتعذب بالحب الحرام!
بس فيه ناس قدرت تهرب..ايوه ، فيه ناس قدرت تقتحم السجن وتخطي كل الاسوار وترجع تاني بقلب أبيض مليان حب ..بس حب من نوع تاني..أطهر حب في الوجود ..حب الله..


وفيه ناس بقالهم سنين في "سجن المخدرات" ..
يمكن مدخلوش سجن المخدرات بتاع الحكومة في الدنيا ..بس المعصية دخلتهم في سجنها..
وسجن المخدرات عليه حراس كتير ومعاهم اسلحة بيجيبوك من كل مكان لو حاولت تهرب..أصدقاء السوء..اللي بيشدوا اي واحد بيحاول يخرج ويرجعوه ..اللي بيعزموا عليك بحاجات فيها الهلاك في الدنيا قبل الاخرة!
سجن صعب اووووووووووووووي ..بس فيه ناس قدرت تخرج منه..ايوه ، فيه ناس قدرت تقتحم السجن وتهرب من كل اصحابها وتبدأ حياة جديدة..بجسم نضيف وقلب نضيف..


وفيه سجن اسمه "سجن الغفلة"..
وده من اشد انواع السجون تحصين وحراسة ومتانة ..عارفين ليه ..لأن اللي قاعد على بابه هو الشيطان ..!
سجن الغفلة مسجون فيه ناس كتير مننا .. تايهة في الحياة..مش عارفة هي عايشة ليه اصلا..ليلها نهار ونهارها ليل ..كل همها انها تكسب قرشين وتجمع فلوس ..هي دي الدنيا ..يومين وبنقضيهم .. مفيش صلاة..مفيش قرآن ..مفيش ذكر..الشيطان عشش حوالين قلبها خلاها تنسى كل حاجة ممكن تفتكر بيها الاخرة ..نساها ان فيه جنة ونار..نساها ان فيه موت وحساب وعذاب..وللاسف ..مسجاين كتير ماتوا جوه سجن الغفلة وهما على طريق ملهوش نهاية غير جهنم!
بس فيه ناس فاقت..ايوه فيه ناس فاقت وعرفت ان الشيطان ضعييييييييف...بس الموضوع محتاج انك تحط هدف قدام عينيك..رضا ربنا والجنة..وانت هتكسر كل التحصينات وتخرج للنور من تاني..



سجون المعاصي كتير ..والمساجين اكتر..
بس لازم يهربوا...مفيش حل تاني..
لازم يحصل prison break
لازم يحصل اقتحام لسجون المعاصي..

والا .. حاجة من اتنين..
- كل يوم هتفضل قاعد فيه جوه سجن المعصية ..المعصية بتزود أسوارها وقيودها حواليك..وهتتصعب مهمتك في الخروج من سجنها!!
- وكل يوم انت قاعد فيه جوه سجن المعصية..انت معرض ان يجيلك ملك الموت وانت لسه محبوس ..وتكون النهاية اللي مفيش بشر يقدر يتحملها..الناااااااااااااااار!

لازم تعرف انت بتهرب من ايه علشان تقتحم سجون المعصية وتهرب منها..
انت بتهرب من جهنم..!!

انا بقولك لو تستحمل تشرب كوباية شاي وهي سخنة مولعة خليك قاعد فيه..!
انما انت مبتقدرش على نار شمعة حتى..هتقدر على جهنم ازاي؟؟








اهرب بجلدك..عدي كل الأسوار ..شيل كل العقبات اللي واقفة في طريق التوبة ...
متخليش اي حاجة تقف في الطريق بينك وبين ربنا..

وتأكد.. تأكد 100 %
انك مجرد ما هتحاول تهرب من المعاصي وتقرب من ربنا..هتلاقي الملك الكريم بيقولك ( أنا عند ظن عبدي بي وأنا معه حين يذكرني فإن ذكرني في نفسه ذكرته في نفسي وإن ذكرني في ملأ ذكرته في ملإ خير منهم وإن اقترب إلي شبرا اقتربت منه ذراعا وإن اقترب إلي ذراعا اقتربت إليه باعا وإن أتاني يمشي أتيته هرولة ) حديث صحيح

هتلاقيه بيقولك ( وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ)
هتلاقيه بيقولك ( قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )
هتلاقيه بيقولك ( إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا )

يعني سجلاتك السودا وملفاتك كلها هتتمحي ..ويتحط بدالها اطهر واحسن ملفات ..
سيئاتك كلها هتتبدل حسنات..مستني ايه؟؟

مفيش وقت..مين عالم هتعيش لبكرة ولا لأ ؟؟
الحق نفسك .. وفكر مرة واحدة صح في حياتك..هتلاقي ان مفيش طريق سعادة في الدنيا والاخرة غير طريق ربنا..



قوم دلوقتي ..اغتسل ..واتوضا ..وهات السجادة ..وطفي النور..صلي ركعتين..واقف بين ايدينا ربنا..وقوله رجعلتلك يارب..وانا عارف انك هتقبلني مهما عملت من ذنوب معاصي..مفيش اي حاجة هتعطلني عنك يارب..
هيبقي هدفي الوحيد..هو رضاك عني يارب..

كفاية بقى..مشبعتش معاصي كل ده..كفاية بقى..
يلا نكسر كل قيود المعاصي..يلا نحرر قلوبنا من أسر الذنوب..
يلا نحط نهاية للمسلسل ..
أجمل وأسعد نهاية ..
التوبة الي الله



اللهم انا نستغفرك ونتوب اليك

منقول عن موقع المنهج



انا لله وانا اليه راجعون 

رحمة الله عليك يا علي 

ان غبت من دنيانا فلن تغيب عن قلوبنا
الرجوع الى أعلى الصفحة اذهب الى الأسفل
منال
مشرفة كلية التجاره
مشرفة كلية التجاره
avatar

كيف تعرفت علينا : من خلال البحث
الكــلــيــة : الاقتصاد
القسم ( التخصص ) : علوم مالية ومصرفية
السنة الدراسية (المستوى الدراسي) : ماجستير
الجنس : انثى
عدد الرسائل : 1004
العمر : 32
الدوله : اليمن
المزاج : عال العال
نقاط : 1370
تاريخ التسجيل : 31/01/2011
: :قائمة الأوسمة : :


مُساهمةموضوع: رد: Prison Break :: new season ,, Exclusive    الإثنين نوفمبر 28, 2011 7:12 am

الله يستر علينا وعلى امه محمد اجمعين
دمتي بخير وعافيه اختي
الغاليه


_________________

الرجوع الى أعلى الصفحة اذهب الى الأسفل
jasmen
عضو فضي
عضو فضي
avatar

كيف تعرفت علينا : صدفة
الكــلــيــة : .............................
القسم ( التخصص ) : ...........................
السنة الدراسية (المستوى الدراسي) : ..................
الجنس : انثى
عدد الرسائل : 3898
العمر : 31
الدوله : لا يعلمه الا الله
العمل/الترفيه : ..
المزاج : مرتاحة
نقاط : 4867
تاريخ التسجيل : 07/04/2011
: :قائمة الأوسمة : :


بطاقة الشخصية
التقييم: 10

مُساهمةموضوع: رد: Prison Break :: new season ,, Exclusive    الإثنين نوفمبر 28, 2011 7:31 am

جزاكي الله خيرا على المرور منال

اللهم اعصمنا من الشيطان الرجيم

امييييييييييييييييين للجميع ان شاء الله

نورتي منال


انا لله وانا اليه راجعون 

رحمة الله عليك يا علي 

ان غبت من دنيانا فلن تغيب عن قلوبنا
الرجوع الى أعلى الصفحة اذهب الى الأسفل
 
Prison Break :: new season ,, Exclusive
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» Jericho season 2
» The Simpsons Season 2
» مســـــــــــــاطيــــــــــــــل season 2

صلاحيات هذا المنتدى:لاتستطيع الرد على المواضيع في هذا المنتدى
منتدى شباب جامعة إب :: القسم العام :: المنتدي الاسلامي-
انتقل الى: